Foros
G.M. TEXU (S.M.R.A) :: Foros :: Rutas, ascensiones, escalada, barranquismo y alpinismo :: Rutas y ascensiones |
|
<< Tema anterior | Tema siguiente >> |
Por los Puertos d'Agüeria |
Moderadores: admin, karlos, texu, Odon
|
Autor | Mensaje | ||
Héctor |
| ||
Miembro registrado #6 Unido: mar mar 25 2008, 04:15Mensajes: 123 | a falta de nieve para esquiar, el sábado 22 de enero nos acercamos a Ubiña por el norte, desde Lindes. Un día laaaargo (8 horas de actividad, unos 27 km). No es la mejor opción si realmente se quiere hacer alguna cumbre, pero los paisajes de Agüeria, el recorrido por la Foz Grande y tener una perspectiva menos habitual del macizo compensan FOTOS [ Editado dom ene 23 2011, 05:43 ] | ||
Volver arriba | | ||
edalamar |
| ||
Miembro registrado #56 Unido: mar feb 10 2009, 11:09Mensajes: 62 | Anda que no os lo sabeis montar ni na :) | ||
Volver arriba | | ||
pablo |
| ||
Miembro registrado #19 Unido: vie mar 28 2008, 11:20Mensajes: 85 | Más fotos http://www.facebook.com/album.php?aid=2080214&id=1395873956&l=1563b5e3c6 | ||
Volver arriba | | ||
Odon |
| ||
Miembro registrado #4 Unido: mar mar 11 2008, 05:07Mensajes: 154 | Aprovecho a que Héctor ya abrió un foro pa poner algunes fotos míes y una pequeña crónica de la aventura del sábadu pasáu: Al Joyu Chongu por los Puertos d'Agüeria (22-01-2011) Tras la convocatoria de Héctor pa dir al macizu d'Ubiña, ni lo pensamos dos veces y de nuevo salimos pa la montaña esti pasáu sabadu. Quedamos los seis nel bar del Alsa de Mieres: Héctor, Pablo, Hugo, Raúl, Fabián y yo. Por el Puertu La Cobertoria, baxámos a Quirós, viendo ya que la xelá del día va a ser fina. Llegamos así a Lindes, puntu de partida del día de hoy. Iglesia de Lindes El plan a seguir nun tá muy definíu (aunque Héctor ya tien en mente explorar un poco la parte superior del Joyu Chongu). Así, garrámos el senderu que sube hacia los Puertos d'Agüeria. Poques hores antes, en casa, taba yo estrujándome el tarru con qué botes llevar pa esti dia: les de cascu no porque nun hay ñeve hasta los 1800 por lo menos y nun ye plan de andar como Pinocho, les normales de trekking tampoco, asi que voy llevar les semirígides (tan algo quemáes, pero pa hoy sobren). Arghhh, ERROR,... cinco minutos después de salir del pueblu, les botes ya tiene fame. Vaya cachu boca que se-yos abrió por delante y por detrás. Ná que la cinta americana nun pueda arreglar, como diz Rulo. En fin, aguantaron el día. Una buena muerte pa les botes, después de tantos años... Pasamos el cruce de Manín (la normal de Peña Rueda) y metémonos nel monte Lindes, uno de los fayéos más grandes y meyor conseváos de Asturies. La xelá nun da munches ganes de parar, asi que seguimos a buen ritmo. El cruce de Manín, al fondo Peña Arpín Al poco, encontrámonos la mole de Peña Arpín, señal de que acercámonos a la Foix Grande. Baxamos por el fayéu hasta la altura del ríu de Lindes, el que por tramos ta xeláu. El día puede resumíse en un interminable "pasa pa ún lláu, pasa pa otru" del ríu de Lindes, eso sí, jugándonosla con no posar los dientes en un regodón, porque la xelá nun invitaba a otra cosa. El ríu Lindes xeláu Así, metémonos na Foix Grande. La Foix ye un gran desfiladeru calcáreu entre Peña Rueda y Peña Arpín y que ye el único accesu asequible por estos lares de los Puertos d'Agüeria. El camín ye fácil de seguir, primero por la derecha y luego, pasando el ríu a la izquierda... pero de pronto, el camín desaparez. Nun sé si esti inviernu o el pasáu, debió haber una riá de campeonato que arrasó la Foix, porque de camín nada, na más que un montón de regodones ye lo que topamos. Hay que arreglase la vida pa calar arriba como se pueda. La parte d'arriba de la Foix arrasá Tras pasar la Foix Grande, el terreno ábrese y salimos a los Puertos d'Agüeria. Los Puertos, son una inmensa superficie de vegues, biesques de carrascos y texos, salpicá de charques, llagos y regueros serpenteantes. Un remansu de paz, que nun tien equiparación en toda la Cordillera. Únicos. Tan flanqueáos de peñes calices de más de 2100 metros por todes les partes (los Güertos del Diablu, Ranchón, Pachón, Cigacha, Fariñentu, Siegalavá, Tapinón, Peña Rueda,...) y el únicu desagüe que tienen son la Foix Grande y la Pequeña, que al uníse formen el ríu Lindes. Puertos d'Agüeria, al fondo Peña Cigacha, Pachón, Ranchón,... Atravesamos los Puertos (cruzando ca ún de los regueros xeláos que los surquen) hasta calar a lo más fondero, la vega de Retuertu, baxo Peña Cigacha. Aquí xintamos algo, eso sí, a una temperatura de lujo... nunca superamos los 0ºC al sol!!!!. Tengo que decir que en un sitiu como esti, llenu de vida, nun vimos ni una miserable torda... nun sé si por el frío o por quién sabe qué. Xintamos como limes y, como ya ye tarde, decidímos tirar p'arriba col obxetivu de seguir hasta onde lleguemos. Algunos quieren esguilar el Práu, pero ye obvio que nun vamos calar ni de broma... Seguimos hasta la Vega Chonga, onde desemboquen los dos canalones que baxen del Joyu Chongu y del Colines, el Canalón Bajeru y el Cimeru, ambos separáos por Peña Reonda. Son les dos de la tarde y metémonos de lleno nel Canalón Cimeru, últimu momentu del día nel que vamos a sentir los rayos del sol nel focicu. La cara tenémosla como cuero. Vega Chonga, sobre nosotros el Fariñentu y el Canalón del Infiernu Canalón Cimeru, sobre él los Cintos Pasáu el pedreru, garrámos altura hasta llegar al neveru que sigue la llínea del Canalón. Aquí calzamos los crampones y el piolo y p'arriba. La ñeve ta espectacular pa cramponear y garrámos altura rápidamente por el Canalón Cimeru, con les vistes de Peña Cigacha, Peña Rueda y los Puertos de Agüeria na retina. Peña Cigacha Peña Rueda sobre los Puertos d'Agüeria Subimos como tiros porque tá tan frío que nun se puede parar. Pasamos la cimera de Peña Reonda y la gran sima previa al Joyu Chongu hasta calar por fin a eso de les tres de la tarde nel Joyu Chongu. Ún llugar alpinu, salvaje y olvidáu (facía más de diez años que nun pisaba por esti Joyu). El Práu y la crestería de les Torres Joyu Chongu Ye muy tarde, la cumbre del Práu ta a unes dos hores más o menos y la temperatura ronda lo -8ºC. Nun se puede facer más por hoy, toca baxar... pero la crestería de les Torres llámanos demasiáo. Hugo, Raúl, Héctor, Odón, Fabián y Pablo En un útimu esfuerzu, esguilamos hasta la brecha que separa la primera y segunda de les agujes de les Torres, rondando la cota de los 2050 metros más o menos. La brecha, ún sitiu espectacular, alpinu. De esta parte ya nun tengo fotos, ya que se me descargó la batería de la cámara nel Joyu Chongu. Probablemente debío a les gélides temperatures que tamos sufriendo n'esti día. Ahora tócanos desandar lo andáo. Por el mismu itinerariu baxámos. Hay que baxar ligeros que nun ye plan de cruzar el ríu de Lindes de nuechi, porque fijo que petámos. Así, sin más novedá que les temperatures que baxen cada hora más, calamos a Lindes a les 18:30 hores, tras más de ocho hores y media de andar, veintimuchos kilómetros, más de 2600 metros de desnivel acumulau, el fríu metíu en los huesos y, yo, con un par de botes menos... PINCHA AQUÍ PA VER EL TRACK DE LA RUTA (GPS de Fabián) Paramos nel pueblo quirosanu de Cortes pa tomar algo y quedar absortos delante de la chimenea del chigre. Al marchar parez que quier nevar en seco, caen copos. Hay que volver pa casa ya... Un día superprestosu, con un itinerariu muy variáu y una compañía excepcional. Nos vemos en la siguiente compañeros. | ||
Volver arriba | | ||
Powered by e107 Forum System